တနေကုန်ထိုင်ရင်း တစိမ့်စိမ့်ကြည့်။

ကြယ်စင်တစင်း မွေးဖွားခြင်း။

မကြုံဖူးသောအချစ်

မခုန်ဖူးသောရင်ခုန်သံ

မမြင်ဖူးသောမြင်ကွင်း

ကြည့်မ၀သောအလှ

အမြတ်နိုးဆုံးရတနာ

အလင်းလက်ဆုံးကြယ်

“ကြယ်စင်ငယ်”

တနေ့သောအခါ ထိုင်ငေးရင်း အတွေး ပင်လယ်က ဖြတ်တိုက်လိုက်တဲ့

လေတွေက အင်တာနက်ပေါ်ရောက်လာကြတယ် ။

အဆုံးအစမရှိတဲ့ ဟိုးအဝေးမှာ ဘာတွေရှိပါလိမ့် ။

သဲသောင်ပြင်ပေါ်ရေးခြစ်မိတဲ့ ပုံရိပ်အမျိုးမျိုးကလည်း

တပုံပြီးတပုံ ပျောက်ပျက်သွား များလှပေါ့ ။ ကိုယ့်ကိုတောင်ဘယ်နေ့

လာတိုက်စား မျောပါသွားမလဲ ဒီလိုပဲ စောင့်စားနေရတာ

ကြောက်စရာကောင်းလွန်းလို့ ကြောက်ရမှန်းလည်းမသိတော့ ။

အတိတ်ကိုပြန်တွေးတိုင်း မယုံနိုင်စရာအမှားတွေက ကိုယ့်မျက်နှာကို

ကိုယ်ပြန်မကြည့်ရဲ ။ အဆိုးဆုံးက မှားတာမဟုတ် အမှားကိုသိလျက်နဲ့

ပြင်မနိုင်တာတွေလေ ။ လှိုင်းကြက်ခွပ်တွေနဲ့အတူ တလှုပ်လှုပ်မျောပါ

နေတဲ့ အတ္တတွေကို မျက်ခြေမပြတ်အာရုံပြုရင်း မမြဲတာလည်းသိလျက်နဲ့

ပျောက်သွားမှာကိုလည်း စိုးရိမ်တကြီး ပူလောင်နေမိတယ် ။

ပင်လယ်ပြင်ကတိုက်ခတ်လာတဲ့တဏှာလေ တွေကို တရှိုက်မက်မက် ရှုရှိုက်ရင်း

ခန္ဓာထဲမှာ အကုသိုလ်တွေ လေးလံလာတာသတိထားမိတယ် ။

တချက်ချက်လင်းလက်လာတဲ့ အသိတရားဥာဏ်ပညာအလင်းတွေကို

အာရုံစိုက်ရမယ့်အစား အားတက်သရော ကျောခိုင်းမျက်နှာလွှဲနေမိတုန်း။

ဥက္ကာငယ်ဆိုတာကို ပီပြင်သထက်ပီပြင်အောင်ထုဆစ်ဖို့ ကြိုးစားရင်းနဲ့

မှုန်ရီေ၀၀ါး မထင်မရှား တဖြည်းဖြည်းပျောက်ကွယ်သွားတော့မှာကို

ထိုင်ကြည့်ရုံကလွဲပြီး ငါဘာတတ်နိုင်သေးလဲ ။ အဲဒါကိုစဉ်းစားတုန်း

ဆည်းဆာချိန်ကနီးလာတယ် ။

ဒီလိုနဲ့ အဆုံးအစမထင်တဲ့သံသရာမှာ …..

မျောပါရင်း ငါမသိလိုက်တဲ့ ငါ့အတ္တတွေက ငါ့ကိုစေစားတာခံရင်း

ခံရင်း ….။ ငါဟာ ဘယ်အထိဆက်မှားနေဦးမှာလဲ……………….။

ကျွန်တော်ကြိုက်သောကာတွန်းများ။

ဒီနေ့ သတင်းဖတ်ရာမှာ ခေတ်ကိုထင်ဟပ်စေလွန်းလှသော ကာတွန်းနေမျိုးအေးရဲ့လက်ရာတွေကို
ကျွန်တော့်ဘလော့မှာတင်လိုက်ရကောင်းမယ်လို့တွေးမိတာနဲ့ ...ဟိ..။
ကြည့်သူမရှိတဲ့ မိုးတိမ်တွေထဲကို ကြဲဖြန့်လိုက်တယ် ။

ငှက်တကောင်ရဲ့အကြောင်း

ပျံသာပျံ အတောင်မသန်လေတော့

ဆန်လေထဲကျန်ရစ်

မာန်တွေလည်းဒဏ်ဖြစ်

ကောင်းကင်ကိုတော့ချစ်နေဆဲ။

ငှက်တစ်ကောင်ရဲ့အိပ်မက်

မျှော်လင့်ခြင်းအသိုက်တစ်ခုဟာ

ပြိုပျက်ရင်း....

တည်ဆောက်ရင်း..........

တစ်ကောင်တည်းအားတင်းခဲ့ရ။.....။

ကိုယ်လဲကိုယ်ထူ

ကိုယ့်မူကိုယ်လှမ်း

ကိုယ်ကိုယ်တိုင်ရွေးတဲ့လမ်းမှာ

တခါတရံ..

လေနီတွေ.ကြမ်းလာရင်

အတောင်မသန်တဲ့ဘ၀အတွက်..

ဝမ်းနည်းခြင်းမျက်ရည်စ

တခါခါ...ကျပေမယ့်

အသဲမှာဆူးပေါက်

တောင်ပံဟာမီးတောက်သွားပစေ......။

ငိုမဲ့မဲ့ သင်္ကြန်

ဒီတန်ခူး မရွှင်မြူး

နှစ်ဦးရောက်ပြီလေ…။

နှစ်တစ်နှစ်သစ်ပြီတဲ့လား

လူကတော့အဟောင်းတိုင်း

မှန်သည်မသိမှားမသိ

မက်မိတဲ့အိပ်မက်အဟောင်းမှာ

မပြောင်းနိုင်မသစ်နိုင်

မှိုင်တချက် ငိုင်တချက်

ယိုင်ထွက်သွားလုလုနောင်တတွေတခါခါနဲ့

ငါဟာ…

ပိတောက်လိုရွှေရည်မလူး

အတ္တတွေမူးနေတဲ့ကောင်…။

အမေကဘ၀တပါး

အဖေကတခြားနိုင်ငံ

ချစ်သူကိုရင်စုံကန်ပြီး

မာန်ကြီးတဲ့ခါချဉ်တစ်ကောင်လို

တောင်ကိုငါမဖြိုပေမယ့်

တောင်ပေါ်ကတောတစ်ရွာမှာ

အိပ်မက်ကိုငါထုဆစ်ခဲ့

လက်မနာပေမယ့်

ရက်ကြာတော့ရင်နာလာတယ်..။

အမေ…

ဒီသင်္ကြန်မှာ

ဘော်ဒါတွေရှာ..ကားခတွေစု…(rapper)ရက်ပါလိုတုပြီး

ကျွန်တော်မကဲချင်ဘူး

ခွက်ပုန်းလေးခုတ်..ရှိုးကလေးထုတ်..မော်ဒယ်လ်လေးတွေချောင်း

ရေလောင်းဖို့လည်းစိတ်မပါဘူး

ကျောင်းပေါ်ကိုတက်…အမေ့ကိုရှာ…

တံမြက်ခါနေမယ့်ဥပုသ်သည်အမေကို

ဖယောင်းတိုင်လေးတစ်ထုတ်နဲ့

ဟန်မလုပ်ပန်မလုပ်..

လက်အုပ်လေးချီကန်တော့ချင်လိုက်တာ..

တင်မိအပြစ်ဟောင်းကျေစေကြောင်းပေါ့..။

အဖေ..

သီးနှံတွေထွားရဲ့လား

သားတကွဲမယားတကွဲ

လွဲနိုင်လွန်းတဲ့ကံကြမ္မာကြောင့်

သံသရာအတွက်

ခြံကထွက်လို့

ကျောင်းမှတက်ဖြစ်ရဲ့လား..

စိတ်သာချအဖေရယ်လို့

ခြံတာဝန်လက်လွှဲကူ

ပေါက်တူးကိုဆွဲယူပြီး

ဥပုသ်ဝင်မယ့်အဖေ

နောက်ဆံတင်းစိတ်မ တွေဖို့

ဗူး..သခွါး..ပဲ..ဖရုံ

တုန်နေအောင်ရေလောင်းချင်တယ်.

သင်္ကြန်မယ်များအလားတူ

အာရုံယူစိတ်ကမှန်းပေါ့.

ချစ်သူရယ်

ရွာထိပ်ကပိတောက်ပင်

ပန်ချင်သူရှိပေမယ့်

ချူမယ့်သူတနယ်ဝေးမို့

မင်းဆွေးပြီလားကွယ်..

ဖြစ်နိုင်ရင်

သင်္ကြန်မင်းစီးတော်ကို

တချက်ငှားခွင့်လေးတောင်းပြီး

အမြန်စီးရွာခရီးနှင်

ခါတော်မီရွှေပိတောက်ပန်း

သူ့ကေသာလန်းဖို့အရေး

ပန်းဆက်သမားလေးဗျတ္တလို

ပြေးကာပြေးကာပန်ပေးချင်ရဲ့

တွေးကာဆွေးကာသင်္ကြန်လေးငိုမဲ့..။
ဥက္ကာငယ်

ငှက်တို့ရဲ့သမိုင်း

မလိုက်ရဲရင်တော့

အသိုက်ထဲမှာပဲကျန်ခဲ့လေ . . . ။

- တနေ့နီးမှာပေါ့

ရှေ့ခရီးမျှော် မာန်တင်းပါကွယ့်

ငှက်ဆိုတာက ပျံရင်းသေ . . . ။

- ခြင်္သေ့က မြက် မစား

ကျားက ကြွက် မချောင်း

ဖွတ်တွေက မိချောင်းလို့ မနေ

အိုးဝေ အိုးဝေ တွန်သံနှောလေတဲ့

စိမ်းမြညို ဟောဟိုတောဆီသို့

အမောခံ ဇောမာန်တင်း

ပျံရင်းသေ ခရီးဆက်မယ်တဲ့

အဲဒါ … ငှက်တို့ရဲ့သမိုင်း။

(မောင်စိန်ဝင်း - ပုတီးကုန်း)

ဆူးမစူးတဲ့ စု

သက္ကရာဇ်တွေ တစတစကြွေ
ဆူးထောင်တွေ တဖြည်းဖြည်းရစ်
မျှော်လင့်ချက်တွေ တငွေ့ငွေ့ဆင်း
သင်းကွဲလေရိုင်းကြမ်းတွေ
အကြိမ်ကြိမ်ဖြိုလှဲချမရတဲ့ ကောင်းကင်သစ်ပင်၊ ဒုက္ခမီးလှိုင်းဆိုးကြီးတွေ
ခဏခဏ ဝါးမြိုချေမရတဲ့ ဂန္ထဝင်ပန်းပွင့်၊

စူးရှပြင်းထန် စစ်အာဏာသံတွေ
အခါခါဖုံးလွှမ်းမရတဲ့ အပြုံးကြယ်စင်
သောကပင့်သက် နင့်နင့်ကြိတ်ရှိုက်
ဝေးလွင့်ရဲဘော်တွေကို နှုတ်မဆက်လိုက်ရတဲ့ အလင်းရှင်၊

ပိတ်လှောင်နှောင်တည်း တားဆီးမှုတွေ
အလီလီဖဲ့စားချိုးမရတဲ့ သစ္စာဓားတလက်၊

မနက်ဖြန်များစွာ …
တိုက်ပွဲဖော် အားမြှင့်ထပ်ဆင့်တိုး
ကမ်းလင့်ကြိုဆိုသူတွေနဲ့
ကျွမ်းရင့်ညှိုးငယ်သူတွေနဲ့
လမ်းသစ်တိုးဖွင့်သူတွေနဲ့
တမ်းတအာခံ ပုန်ကန်သူတွေနဲ့၊

ယတြာ မန္တာန် မမန်းမှုတ်
ကမ္ဘာ့သမိုင်းစာမျက်နှာ လှုပ်နှိုး
ဒဏ်ရာဝေဒနာ ဆုပ်ကိုင်ထားကာ
ကတိမေတ္တာ ရင်တွင်းလမ်းခင်း
အကျဉ်းစံ ရူးသွပ်ကြေ အမှောင်တိုက်မှာ
ခေါင်းအစ ခြေအဆုံး သွေးချင်းဖုံးပစေ
ဘယ်တော့မှ
ဒူးမထောက် အလံမလှဲခဲ့သူ (အမေ)။ ။

ကမ္ဘာ့ငြိမ်းချမ်းရေးနိုဘယ်လ်ဆုရှင် ဒေါ်အောင်ဆန်းစုကြည်၏ ၆၅ နှစ်မြောက် မွေးနေ့အမှတ်တရ

ကော်ဖီသောက်မိခြင်း။

အချစ်ဆိုတာ......အဲလိုပဲ။

မသောက်ခင်တော့ကော်ဖီတစ်ခွက်လို

သောက်ချင်စဖွယ်အသွယ်သွယ်ပေါ့

အဲ...ချစ်ပြီးသွားရင်တော့

နှလုံးတွေလည်းတုန်တတ်ပါတယ်။

မျက်လုံးတွေလည်းကြောင်နေတတ်ပါတယ်။

အိပ်ရေးလည်းပျက်တတ်ပါတယ်.။

မသောက်ချင်တော့ပေမယ့်ကော်ဖီတစ်ခွက်လို

ဆက်သောက်နေရတတ်ပါတော့တယ်။

မြန်မာ့အားကစား ကမ္ဘာမှာ နွမ်းပြီ

ကမ္ဘာ့ဖလား ခြေစစ်ပွဲဒုတ်ိယပွဲစဉ်အဖြစ် အိမ်ရှင်မြန်မာအသင်းနှင့် အိုမန်အသင်းတို့သည်
ဇူလိုင်လ (၂၈) ရက်မြန်မာစံတော်ချိန်ညနေသုံးနာရီခွဲတွင်ကန်ကြရမည်ဖြစ်ရာ ဧည့်သည်
အိုမန်အသင်းသည် ယင်းတို့နိုင်ငံတွင်း ၂ ဂိုး ၀ ဖြင့်ပြီးစီးခဲ့သောပထမပွဲစဉ်ပြီးသည်နှင့် မြန်မာအသင်း
ထက်စောစီးစွာ ရန်ကုန်မြို့သို့ကြိုတင်ရောက်ရှိနေခဲ့သည်။ ငွေရေးကြေးရေးပြည့်စုံသောအိုမန်
အသင်းသားတို့သည် စင်းလုံးငှားလေယာဉ်ဖြင့် ၄င်းတို့ကန်ရမည့်မြန်မာကွင်းတွင်ကြိုတင်လေ့
ကျင့်ခန်းများဆင်းလျက် ဘုရားလည်းဖူးလိပ်ဥလည်းတူး ဆိုသည့်အတိုင်း မြန်မာတို့၏ကျက်
သရောဂုဏ်ဆောင်ရွှေတိဂုံစေတီတော်မြတ်ကြီးကိုသွားရောက်ဖူးမြော်ခဲ့ကြသည်ဟုအားကစား
သတင်းဌာနတခုဖြစ်သော soccer Myanmar သတင်းကြောင့်သိရသည်။ ထိုသတင်းတွင်
အိုမန်အသင်းအတွက်အလွန်အားထားရသောမွတ်ဆလင်ဘာသာဝင်(၀ီဂန်ဂိုးသမားဟုလူသိများသူ)
ဂိုးသမားအယ်ဟာစီဆိုသူသည် ရွှေတိဂုံစေတီတော်မြတ်အားဖူးမြော်အပြီးသတင်းထောက်များနဲ့တွေ့ရာတွင်
ပြောကြားရာ၌ ရွှေတိဂုံစေတီတော်ကိုအလွန်ထူးဆန်းအံ့သြစွာမှင်သက်မိသည်အထိအံ့သြဘနန်း
ဖြစ်ခဲ့မိကြောင်း ။သူသည်နိုင်ငံတကာကို ရောက်ခဲ့ဖူးသူဖြစ်ပြီး ယခုကဲ့သို့မြန်မာနိုင်ငံတွှင်ရွှေတောင်
ကြီးသဖွယ်ဖြစ်သော အံ့သြဖွယ်လက်ရာများမွှမ်းထုံနေသော စေတီတော်ကြီးကိုတွေ့ရလိမ့်မည်မထင်
မှတ်ထားခဲ့ကြောင်းမှတ်ချက်ပြုခဲ့လေသည်။ ဆက်လက်၍သိရသည်မှာ ထိုဘောလုံးအသင်းမှဘုရား
ပေါ်သို့တက်ရောက်လေ့လာရာတွင် တာဝန်ရှိသူများဘက်မှ အထူးဧည့်သည်များအဖြစ်အသိအမှတ်
ပြုသည့်အနေဖြင့် အခမဲ့တက်ရောက်လေ့လာစေရန်စီစဉ်ပေးခဲ့သော်လည်း အိုမန်တို့ကလက်မခံ
ဘဲ ကျသင့်သည့်အခကြေးငွေများအားလုံးကိုတန်ဖိုးထားရှင်းလင်းပေးခဲ့ကြောင်းသိရသည်။
မနေ့က ကွာတားဖိုင်နယ်ဒုတိယပွဲစဉ်အဖြစ် အိမ်ရှင်မြန်မာနှင့် အိုမန်အသင်းတို့ယှဉ်ပြိုင်ကြရာတွင်
ထင်မှတ်ထားသည့်အတိုင်းမြန်မာပရိသတ်များတဖွဲဖွဲဖြင့် အင်ပြည့်အားပြည့်လာရောက်အားပေး
ကြသည်ကိုတွေ့ရသည် ။ နိုင်ငံတော်သီချင်းကိုဆိုပြီးဆိုပြန်သံပြိုင်ဟစ်ကြွေးကြသည်ကိုလည်း
ကြားနေရသည်။ တီးသံမှုတ်သံအော်ဟစ်သံများဖြင့်အိုမန်အသင်းတွင်ကစားခဲ့စဉ်တွေ့ရသော
အိုမန်ပရိသတ်များထက်အဆမတန်များပြားသောလူအုပ်ကြီးများကို အိုမန်အသင်းတို့တွေ့ကြုံ
ခဲ့ရသည် ။ [IMG]

This image has been resized. Click this bar to view the full image. The original image is sized 568x376.

Uploaded with ImageShack.us[/IMG]်ကြည့်ပါ မိမိတို့ထက်သာသည့်အသင်းများကိုအိမ်ကွင်းတွင် ပရိသတ်အင်အားဖြင့်အနိုင်ယူလေ့
ရှိခဲ့သည့်အစဉ်အလာအတိုင်း မြန်မာတို့ အားထုတ်ကြလေပြီ ။ တချို့ကလည်းမိုးရွာလျှင်မိုးထဲလေထဲ
ရေထဲတွင်ကန်လေ့မရှိသည့်နိုင်ငံခြားအသင်းကိုပို၍အသာစီးရမည်ဟူသောအတွေးဖြင့် မိုးခေါ်တေး
ဆိုလျက် အနိုင်ရရေးအတွေးကောင်းသူများလည်းဒုနဲ့ဒေး။ အဝေးကွင်းတွင်အိုမန်ကဲ့သို့အာရှအဆင့်
အသင်းကို နှစ်ဂိုးသွင်းခံထားရသော မြန်မာအသင်းသည် အိမ်ကွင်းတွင်ပရိသတ်အားကိုး၊မိုးအားကိုး
ဖြင့် ဖိကစားကာ ဗွေဆော်ဦးဂိုးသာသွင်းနိုင်ခဲ့ပါကအလွန်ကြည့်ကောင်းသွားမည်ကိုမိမိအပါအ၀င်
လူတိုင်းကမျှော်လင့်ထားကြမည်မှာမလွဲပေ ။ ထို့ပြင် အိုမန်လိုအသင်းမျိုးအားအိုမန်အသင်းတွင်
သူတင်ကိုယ်တင် အားကြိုးမာန်တက်ကစားနိုင်ခဲ့သောပြီးခဲ့သည့်ပွဲစဉ်မှမြန်မာ့လက်ရွေးစင်ဘောလုံး
သမားများ၏အားထုတ်မှု ခြေစွမ်းကိုရှုံးခဲ့သော်လည်းအားရခဲ့မိကြောင်း နည်းပြချုပ်ဦးဆန်းဝင်းမှ
ကောက်ချက်ချခဲ့သလို မျှော်လင့်ချက်ဖြင့်အသက်ရှင်နေကျ မြန်မာပရိသတ်များကလည်း အမှတ်မရှိ
မျှော်လင့်ကြမည်မှာလည်းမြေကြီးလက်ခက်မလွဲ ။

ရွှေတိဂုံစေတီတော်မြတ်ကြီး၏ဘုန်းကျက်သရေ အရိပ်အာဝါသအောက် ။ သုဝဏ္ဏအားကစားကွင်း
ဟုအမည်တွင်သော ရန်ကုန်မြို့ကြီး၏အထင်ကရ အားကစားဝင်းတွင် ရွှေလူမျိုး ဟု မိမိတို့ကိုယ်မိမိ
တို့အမွှမ်းတင်လေ့ရှိသော လူအုပ်ကြီးသည် ၀င်လာမစဲတသဲသဲ နိုင်ငံတော်သီချင်းအားတဟဲဟဲဖြင့်
အားပေးကြလေပြီ ။ ပြိုင်ပွဲအစတွင် အကြိတ်အနယ်ရှိနေခဲ့ပြီး ၂၁ မိနစ်အရောက်တွင် အိုမန်ဘက်မှ
ဦးဆောင်ဂိုးစသွင်းနိုင်ခဲ့သည် ။ ဆက်လက်၍ ၃၇ မိနစ်တွင် မြန်မာတို့၏ဂိုးမရရေးအပြင်းအထန်ကာ
ကွယ်မှုတွေကြောင့် မြန်မာအသင်းပင်နယ်တီအပေးခံရသည် ။ ထို့နောက်ထို့နောက်တွင်မူ …….
ရွှေမြန်မာပရိသတ်များဆီမှ ရွှေသုဝဏ္ဏကွင်းအတွင်းသို့ ထီးများ ၊ ဖိနပ်များ ၊ ကွမ်းတံတွေးထုပ်များ ၊
ကွမ်းတံတွေးဗူး ၊ ကွန်ပါဘူးများ ၊ ခဲများ ၊ ရေသန့်ဗူးများ ၊ ထမင်းထုပ်များ တဖွဲဖွဲ မိုးရွာစေချင်သကဲ့သို့
ကျရောက်လာသည်ကိုအင်တာနက်မှကြားသိရလေသည် ။ယှဉ်ပြိုင်နေကြစဉ်တွင်ဂိုးသမားအယ်လ်ဟာစီမှာ ပရိသတ်ဆီမှပစ်ပေါက်သောပစ္စည်းများထိမှန်မည်စိုး၍ဂိုးအနားသို့ပင်မကပ်ရဲကြောင်း
အင်တာနက်သတင်းအရသိရသည် ။(ရွှေအာဏာပိုင်များဘက်မှလည်းမိမိတို့ရွှေလူမျိုးများအား ထိန်းသိမ်းနိုင်ခြင်းမရှိခဲ့ ။ ဘောလုံးအဖွဲ့ချုပ်၏ဥက္ကဋ္ဌ ဖြစ်သောဦးဇော်ဇော်သည်လည်းကွင်းအတွင်းမှနေ၍ ပွဲစဉ်ဖျက်သိမ်းလိုက်ရသည့်အနေအထားသို့မရောက်စေရန် ပရိသတ်များရှိရာဘက်
သို့လက်အုပ်လေးတချီချီဖြင့် ကန်တော့ တောင်းပန်လျက်အားပေးမှုကိုရပ်တန့်စေရန်ကြိုးစားခဲ့ရာ
ဥက္ကဋ္ဌဖြစ်သူ ကိုယ်တိုင်ထံသို့ လည်းအထက်ပါပစ္စည်းများဖြင့်ပစ်ပေါက်ခြင်းကိုခံခဲ့ရလေသည်။
နောက်ဆုံးတွင်ထိုပွဲစဉ်သို့လာရောက်ကြီးကြပ်သူနှင့်ဒိုင်လူကြီးများလိုလားသည့်အတိုင်းပွဲစဉ်အား
ဖျက်သိမ်းခံလိုက်ရလေသည် ။ ယခုကဲ့သို့အားပေးမှုမျိုးကြောင့်နောက်ထပ်ပွဲစဉ်များအားထပ်မံကစားရရန်မသေချာတော့ကြောင်းနှင့်
အပြစ်တင်မည်ဆိုလျှင်လည်းမိမိကိုသာ အပြစ်တင်ကြရန် မိုက်ကရိုဖုန်းဖြင့်ကြေငြာသွားခဲ့ကြောင်း
သိရလေသည်။ ရွှေမြန်မာတို့၏ နိုင်လျှင်ပြုံးရှုံးလျှင်မဲ စိတ်ဓာတ်သည်ကားအံ့သြစရာကမ္ဘာကျော်
ခဲ့လေပြီတည်း ။ ထိုပွဲစဉ်အား အင်တာနက်တွင်တိုက်ရိုက်လွှင့်တင်သောဝက်ဆိုဒ်မရှိဟုသိရသဖြင့်
သာတော်တော့သည် ။ သို့မဟုတ်လျှင် ဒီ့ထက်မက ကမ္ဘာကျော်ပေတော့မည် ။ အင်တာနက်မှကြည့်
ရှုခွင့်ရရန် လင့်ခ် တခုခုတောင့်တနေသော စာရေးသူတို့သည်လည်း (တခါတလေလိုတာမရလိုက်ခြင်း
သည် ကံကောင်းခြင်းတမျိုးဖြစ်၏) ဆိုသော မိတ်ဆွေတယောက်၏အာဘော်ကိုသွားရောက်သတိရ
မိလေတော့သည် ။
နိဂုံးချုပ်ဆိုသော် ညီညီသစ်ပြောသည့်အတိုင်း ငါးခုံးမတကောင်ကြောင့်တလှေလုံးပုပ် ဖြစ်ရချေပြီ။
ယခုအဖြစ်မှာကားငါးခုံးမကတကောင်တည်းမကဘဲအုံနဲ့ကျင်းနဲ့ဖြစ်သဖြင့်တတိုင်းပြည်လုံးပုပ်ရချေ
တော့မည်တကား ။ ရှက်ဖွယ်လိလိ ။ အရှက်မရှိသည့်လူမျိုး ။ အနိုင်ကိုသာ တရားသဖြင့်မတရား
သဖြင့်ရယူလိုဇောရှိပြီးအရှုံးကိုဂုဏ်ယူစွာလက်မခံတတ်သော၊အရှုံးကိုကျေနပ်နိုင်စွမ်းအားကစားစိတ်
မရှိသောလူမျိုး ဟုသက်သေပြခဲ့ကြချေပြီ ။ ရွှေတိဂုံစေတီတော်ကြီးကိုဖူးမြင်ရစဉ်အံ့သြမင်တက်ဖြစ်
ခဲ့သော ၀ီဂန်ဂိုးသမားကြီး အပါအ၀င်အိုမန်အသင်းသားတို့သည်လည်း ရွှေမြန်မာတို့၏ အားပေးမှု
နှင့် အားကစားစိတ်ကိုမြင်လေသောအခါ ဘုရားကိုမြင်စဉ်ကထက်အဆများစွာ အံ့သြမင်တက်မှု
ဖြစ်စေခဲ့မည်ဟု ယုံကြည်ရလေသည် ။ အံ့သြကြပေရော့ ။ နိုင်ငံတော်၏အားကစားတိုးတက်မှုကိုဦး
ဆောင်တာဝန်ယူလျက်ရှိသော အဖွဲ့ချုပ်ဥက္ကဋ္ဌကိုယ်တိုင်လက်အုပ်ချီတောင်းပန်နေသည့်ကြားမှ
ထိုထိုမဖွယ်မရာပစ္စည်းအထွေထွေဖြင့်ပစ်ပေါက်ခဲ့ကြသော ဗုဒ္ဓဘာသာဝင်ရွှေမြန်မာတို့၏ခေါင်းဆောင်
အပေါ်လေးစားတန်ဖိုးထားမှုမျိုး၊သေနတ်ဖြင့်မပစ်သရွေ့မည်သည့်အာဏာပိုင်ရဲ့ထိန်းသိမ်းမှုမျိုးကိုမှ
(သင့်သင့်မသင့်သင့် )လက်မခံတတ်သော ဆူပူသောင်းကျန်းလိုမှုအရင်းခံစိတ်ဓာတ် ၊ ဧည့်သည်အသင်း
အပေါ်ညှာတာထောက်ထားရမည့် အိမ်ရှင်ကောင်းတို့၏ ထားရှိရမည့်ဝတ္တရားအသိစိတ်ကင်းမဲ့မှုတို့သည်
လည်းအံ့သြစရာအစစ်ဖြစ်ခဲ့လေပြီ ။ ပုထုဇဉ်သည် ထိုင်းနိုင်ငံတွင်းနေထိုင်သူဖြစ်၍ ထိုင်းတပါးသားတို့နှင့်
လက်ပွန်းတတီးနေသူဖြစ်သည် နဲ့အညီ ထိုင်းတပါးသားတို့၏ရွှေလူမျိုးများအပေါ်အထင်သေးအမြင်သေး
သဘောထားအမြင်များကိုအမြဲကြားရလေ့ရှိသူဖြစ်၏ ။ ထိုသို့ကြားသည့်အခါတိုင်း မပီကလာပီကလာ
ထိုင်းစကားဖြင့် အမုန်းခံ စောဒကတက် အမြဲရန်ပြန်တွေ့လေ့ရှိသူတယောက်ဖြစ်၏ ။ ထို့အတွက်လည်း
အမြဲတစေ အမုန်းခံရလေ့ရှိသည်သာဖြစ်သည် ။ ယခုလည်း မိမိတို့ကိုယ်မိမိ ရွှေ ဟုတင်စားတတ်သော
မြန်မာလူမျိုးတို့အားဝေဖန်သည့် စာတပုဒ်ကို အမုန်းခံ၍ အားရပါးရ၀မ်းနည်းစွာဖြင့်ရေးမိနေပြန်ပြီဖြစ်သည်။
၂၈ ရက်ဆိုတဲ့နေ့ကိုရောက်ဖို့ ပြက္ခဒိန်ခဏခဏကြည့် ၊ မနိုင်နိုင်ဘူးဆိုတာကို အသိစိတ်ကနားလည်နေ
လျက်နဲ့ မဖြစ်နိုင်တာဘာမှမရှိဘူး ကွ ။ ပရိသတ်အားနဲ့ဖိရင်နိုင်သွားနိုင်တယ်ဆိုသော မသိစိတ်ရဲ့
စေစားမှုတွေနဲ့ ဘယ်လင့်ခ်ကမှကြည့်မရတဲ့ပွဲကို soccer Myanmar မှတင်ဆက်သော live text comentarty အစီအစဉ်ဖြင့် စက္ကန့်မလပ်အားပေးမိသော မျိုးချစ်စိတ်တို့သည် အသိဥာဏ်မဲ့သော
သံချေးတက်နေသော ကြေးနန်းကြိုး မြန်မာပရိသတ်များကြောင့် ယူကျုံးမရအရှက်ရခဲ့လေပြီတကား။
တခါမှမရေးဖူးသောစာအရှည်ကြီးဖြင့်တခါမှမဖြစ်ဖူးသောလူမျိုးအတွက်အရှက်စိတ်ကို
ရသေ့စိတ်ဖြေရေးသားနေရာမှပုထုဇဉ်သည် လည်းစိတ်ဓာတ်ကျခြင်းမှလွဲ၍ပြောစရာစကားရှားပါးခဲ့လေပြီ။
မည်သို့ဖြေရလေမည်နည်း ။ ငါ့လူမျိုး ငါ့နိုင်ငံ ငါ့အားကစား ငါတို့ပရိသတ် ငါတို့စိတ်ဓာတ် ငါတို့အိမ်ကွင်း ငါတို့ဘောလုံး ငါတို့အားကစား ၊ တရားနဲ့ဖြေပြန်လည်း အတ္တစိတ်ဗလပွနဲ့ပုထုဇဉ်ပီပီ မြန်မာ့အားကစားလောကအတွက်တိုးတက်နိုးတိုးတက်လာနိုး ၊ နိုင်လေနိုး သာလာလေနိုးဖြင့် မရိုးမရွ ဣနြေ္ဒမရနိုင်သော အမျိုးကိုချစ်စိတ်က အားကစားအသံကြားတိုင်းဒုက္ခပေးမြဲ ။
မိုးလယ်ကာလအတွင်း ပရိသတ်များမျှော်လင့်သည့်တိမ်ရေတိမ်ခိုးမိုးအစစ်တို့မရွာဘဲ
ကျဉ်းမြောင်းသောသံချေးတက်မြန်မာပရိသတ်(အားလုံးမဟုတ်)ကြောင့် အရှက်မိုး ၊ အရှုံးမိုး ၊ သိမ်ငယ်မိုး ၊
ဝမ်းနည်းမိုး ၊ မျက်ရည်မိုး တို့သာ ဖြိုင်ဖြိုင်ရွာကျ ခဲ့ပါကြောင်း အားရပါးရ၀မ်းနည်းစိတ်ကိုမိသားစုမှာဖြေ
လိုက်ရပါကြောင်း ။